Латвійская Алімпійская акадэмія штогод праводзіць свята спорту для дзяцей ад 5 да 12 гадоў. Гэта папулярнае дзіцячае спартыўнае свята, куды з’язджаюцца дзеці з усіх куткоў Латвіі. Вось і ў гэтым годзе праводзілася чарговае ХХХIII спартыўнае свята, якое адбылося ў нядзелю, 18 верасня. Наша нядзельная школа “Вясёлка” штогод імкнецца прымаць удзел у гэтым мерапрыемстве, і сёлета таксама атрымала запрашэнне.

Увесь дзень з 11 да 14 гадзін на спартыўнай пляцоўцы на вольным паветры будуць адбывацца розныя дзіцячыя спаборніцтвы. У праграме 12 спартыўных заданняў, якія неабходна выканаць кожнаму ўдзельніку па колькасці гадоў, каб атрымаць прыз.

Што можа быць больш прыемным, чым бачыць шчаслівую ўсмешку на твары дзіцяці? Вось і нашы сябры таварыства самі актыўна адгукнуліся на дадзенае запрашэнне, каб адвезці дзяцей нашай школы “Вясёлка” на гэтае свята. Вельмі хочацца адзначыць і падзякаваць, у першую чаргу, спонсару Іне Валюшка, членам таварыства – Іосіфу Рэуту, Уладзіміру Дзянісаву, Ніне Прусаковай, Алене Кавальковай, Алене Кіча, Ноне Міхайлавай, Раісе Смірновай, а таксама неабыякавым педагогам і праўленню нашага грамадства. З Вашай дапамогай, Вашым добрым сэрцам і неабыякавасцю да дзяцей мы разам з педагогам і намесніцай старшыні Вольгай Паўловіч змаглі адвезці дзяцей на мікрааўтобусе ў г.Рыга для ўдзелу ў спартакіядзе. Нашы дзеці бязмежна Вам удзячныя, і з вялізным стараннем прынялі ўдзел у спаборніцтвах.

Абсалютна ўсе выканалі спартыўныя заданні і атрымалі прызы, а некаторыя марылі і аб медалях, магчыма Алімпійскіх. Будзем спадзявацца, што і ў нашай школе падрастае алімпійская надзея і, можа быць, мы пра іх калі-небудзь пачуем.

Лілія Воранава, старшыня таварыства “Уздым”