24 жніўня 2020 года на планавым пасяджэнні Праўлення Беларускага культурна-асветніцкага таварыства “Уздым” адным з пытанняў было абмеркаванне сітуацыі на этнічнай радзіме ў сувязі з прэзідэнцкімі выбарамі. Пасля працяглай вострай дыскусіі большасцю галасоў прынята рашэнне не рабіць афіцыйных публічных заяў ад юрыдычнай асобы – таварыства “Уздым”.
“Уздым” – грамадская арганізацыя, культурна-асветніцкае таварыства, у склад якога ўваходзіць 179 членаў. Гэта людзі розных нацыянальнасцяў (беларусы, рускія, палякі, латышы, украінцы) і з розным грамадзянствам (Латвіі, Расіі, Беларусі), якія раздзяляюць Статут “Уздыма” і цікавяцца беларускай культурай.
І ў кожнага з іх – свая грамадзянская пазіцыя і свае палітычныя погляды, на што яны маюць поўнае права. Ні адзін член таварыства “Уздым” не звяртаўся ў Праўленне з прапановамі і пажаданнямі аб рэалізацыі сваёй грамадзянскай актыўнасці праз “Уздым”. Кожны яе праводзіць індывідуальна, адпаведна сваіх сумленняў, перакананняў. Мы вельмі цэнім кожнага члена таварыства “Уздым”, і як культурная аб'яднанне не маем права на раскол, раздзяленне па палітычных матывах.
Таму Праўленне таварыства “Уздым” большасцю галасоў прыняло няпростае рашэнне – не рабіць публічных заяў, тым самым не даваць лішніх падстаў для правакацый і інтэрпрэтацый, пагаршаючы медыйную прастору вакол сітуацыі ў Беларусі. Гэта наш боль, і з гэтым мы будзем жыць далей.
З павагай,
старшыня Праўлення таварыства “Уздым”
Жанна Раманоўская
P.S.
Асабістае меркаванне Жанна Раманоўскай, апублікаванае 14 жніўня, можна прачытаць тут:
Асабістае меркаванне Мікалая Паўлавіча, апублікаванае 26 жніўня, можна прачытаць тут: