Беларускае
культурна-асветніцкае
таварыства
Беларускае
культурна-асветніцкае
таварыства
Slider

8 і 9 мая ў Даўгаўпілсе ўшанавалі памяць ахвяр Другой сусветнай вайны і адзначылі Дзень Вялікай Перамогі над нацызмам. 75 гадоў таму скончылася страшная вайна, якая ўнесла мільёны чалавечых жыццяў у многіх краінах свету.

Беларускае таварыства “Уздым” шануе традыцыю, штогод аддаючы даніну памяці воінам і партызанам, вязням канцлагераў, працаўнікам тылу, дзецям вайны - усім, хто ваяваў супраць нацызму, пацярпеў, набліжаў перамогу, загінуў або выжыў.

Ва ўмовах надзвычайнай сітуацыі ў сувязі з каронавірусам арганізаваных мерапрыемстваў не было. Традыцыю кожны падтрымаў у прыватным парадку.

8 мая ўсклалі кветкі да Мемарыяла савецкім воінам-вызваліцелям у парку Дубровіна.

А 9 мая да Вечнага агню ўвесь дзень ішлі людзі. Да Мемарыяла ляглі кветкі і вянкі ад Генеральнага консульства Рэспублікі Беларусь і Беларускага таварыства “Уздым”.

А ў дзесяць гадзін вечара ў вокнах дамоў даўгаўпілчан запаліліся свечкі ...

Вечная памяць героям!

Жанна Раманоўская

Фота сайтаў LSM.lv, Grani.lv